ТҮК-д 12 жил ажилласан хүн Алтан гадас одон авсан нь олны сонирхлыг татсан. Дуучид хамтлагууд одонгийн найранд үнэгүй дуулж өгөх саналаа илэрхийлсээр байгаа. “Сошиал од” Нара хандивын аян өрнүүлсэн. Өнөөдөр хандивын мөнгийг гардуулж өгсөн М.Нара “За ингээд гурван Алтан Гадас одонгоор хөдөлмөр зүтгэлээ үнэлүүлсэн гурван хөдөлмөрч хүмүүсээ иргэд олон нийт нь баяр дээр нь баяр нэмж, олноороо давалгаалан баярлуулъя гэж илгээсэн мөнгөний дүн 24.277.419 төгрөг болсон билээ.
15 орчим сая төгрөг цуглах үед энэ мөнгийг шагнал авсан 3-н хүнд хувааж бэлэг болгон өгье, илүү нэмэгдвэл Батмөнх ахад өгье гэсэн байсан.
Хэлснийхээ дагуу Жаргалсайхан, Бямбадорж 2 ахдаа 5, 5-н сая төгрөгийг, бусад 14.277.000₮-г Батмөнх ахад хүлээлгэн өглөө. Хамт олон нь болох “Нийслэлийн Хот Тохижилтын Газар” ОНӨААТҮГ-ын дарга Б.Мөнхцэцэг болон бусад хамт олны хамтаар хүрэлцэн ирсэн бөгөөд “Сэнтрал Тауэр”-ийн гурван давхрын @Asiana ресторан биднийг хүлээн авч баярын бэлэг түгээх ажлыг зохион байгуулж амтат хоолоор дайлсанд баярлалаа. Хамгийн хайр татам зүйл нь Батмөнх ах олон нийтийн бэлэг болох 14-н сая төгрөгнөөсөө 1сая төгрөгийг, Жаргалсайхан Бямбадорж ах нар маань 500.000 төгрөгийг тус тус ингээд нийт 2.000.000 ₮ -ийг Түлэнхийн Төвд хандивласан гээл бод доо” гэв.![](http://taiz.mn/wp-content/uploads/2021/11/Nara.jpg)
![](http://taiz.mn/wp-content/uploads/2021/11/Nara-mungu.jpg)
![](http://taiz.mn/wp-content/uploads/2021/11/Nara.jpg)
![](http://taiz.mn/wp-content/uploads/2021/11/Nara-mungu.jpg)
Discussion about this post