Отгонтэнгэр хайрханыг тахих ёслол энэ сарын 22-нд болно. Тахилгын үед:
Амьтны амь таслахгүй байх, хараал хэлэхгүй, хэрүүл хийхгүй байх, архи огт хэрэглэдэггүй. Мөн газар ухах мод огтлох, жимс ногоо, өвс түүх, усанд орохыг ихэд цээрлэдэг. Тахилгад өл халзан морьтой очдоггүй
Бадархундага нуурт бүсгүй хүн ойртохыг цээрлэдэг. Явган болон чулуун дээр сандайлж суудаггүй.
Муу зүйл хийхгүй байх нь чухал. Тахилгын үед цагаан хоол идэх ёстой байдаг аж.
Мөн Бдархундага нууранд хүмүүс хадаг өргөл, сэлт өргөдөг уламжлалтай. Энэ жилийн хувьд цэвэр мөнгөн эдлэлээс бусад зүйл өргөхгүй байх уриалгыг гаргажээ.
Хадаг, бусад зүйлс нуурын усыг маш ихээр бохирдуулдаг бөгөөд сүсэгтэн олны буян заяагаа даатган өргөсөн зүйлсийг нутгийн хүмүүс цэвэрлэх, эс цэвэрлэх асуудалд талцдаг байна. Иймд нууранд хадаг өргөхгүй байх уриалга мэдэгдлийг Завхан аймгийн ЗДТГ-аас гаргасан байна. 
Discussion about this post