Тэрбумтан Билл Гейтс болон түүний эхнэр Мелинда Гэйтс нар 27 жил хамт амьдарсны эцэст салах болсноо өнгөрсөн тавдугаар сарын эхээр зарласан. Тэгвэл тэдний гэрлэлтийг цуцлах шүүх хурал өчигдөр болж, эцэслэн шийдэгдсэн байна. Дэлхийд тэргүүлэх 5 тэрбумтны нэг, 130 тэрбум ам.долларын хөрөнгөтэй нөхрөөсөө Мелинда мөнгөн тэтгэмж авалгүй, харин овгийг нь л хадгалж үлдэхээр болжээ. Ингэснээр өдгөө 56 настай түүний овог, нэр нь бүтнээрээ Мелинда Френч Гейтс хэвээр үлдэж байна. Тэд хөрөнгөө анх хийсэн гэрлэлтийн гэрээний дагуу хамтдаа бүтээсэн хөрөнгөө л хуваахаар тохиролцжээ.
Билл, Мелинда нарын гурван хүүхэд насанд хүрсэн учраас хүүхдүүдээ асран халамжлах эрхийн маргаан өрнөсөнгүй.
Билл Гейтс найздаа 27 жилийн цор ганц гэрлэлтээ “хайр сэтгэлгүй гэрлэлт” байсан гэж хэлсэн хэмээн шар хэвлэлүүд онцолжээ. Түүнчлэн тэрбумтан Билл Гейтсийг эхнэрээ хуурсан, удаан хугацаан “Microsoft” компанийнхаа нэг ажилтантай амрагийн холбоотой байсан гэж яригдаж, энэ харилцаагаа тэрбумтан хүлээн зөвшөөрчээ.
Discussion about this post