С.Дулам багш Баянхонгор аймгийн Баянбулаг сумын “Бүлээн” гэдэг төрсөн. Мөн л Баянхонгор аймгийн алдартны нэг Со гавьяат “Би Баян-Овоо сумын Овгор гэдэг газар төрсөн юи чинь онгироо байхгүй яадаг юм бэ” гэж аархсан удаатай. Бүлээн нэртэй газар төрсөн С.Дулам багш ёстой “бүлээн” амьдарч байгаа эрхэм. С.Дулам профессор социализмын үед буюу 1985-1987 онд Парисын Дорно дахины Хэл иргэншлийн дээд сургуульд зочин профессороор уригдан ажилласан түүхтэй. Мөн 1987-2000 МУИС, Утга зохиолын тэнхимийн эрхлэгч, 2000-2004 онд Баянхонгор аймгаасаа сонгогдон УИХ-ын гишүүн болсон юм. Сонгуулийн дараа 2004 одоо хүртэл МУИС, МХСС, Утга зохиолын тэнхимийн эрхлэгчээр ажиллаж байгаа.
С.Дулам багшийн хүү Д.Бум-Очирыг монголчууд андахгүй. Одоо Соёлын сайд Ч.Номингийн зөвлөхөөр ажиллаж буй. МУИС-ийн Антропологи, археологийн тэнхимийн эрхлэгч, доктор, профессор хүн. С.Дулам докторын дунд хүү тэрээр эх орондоо нэг, Англид нэг нийт 2 удаа докторын зэрэг хамгаалсан. Цэл залуу 29-тэйдээ Кэмбрижийн их сургуулийн докторын диплом өвөрлөсөн тэрээр баруунд номын дуу сонсч, докторын зэрэг хамгаалсан Монголын цорын ганц антропологич аж. Мөн Боловсролын сангаас зээлсэн 48000 ам.доллароо буцаан төлсөн мөнгөнд ч “яс” нэгэн. Манай тэмбумтнууд, томоохон улстөрчид энэ сангаас хүүхдүүддээ зээл аваад сургасан ч буцаж өгөхгүй бултсаар явдаг нь жам.
С.Дулам багш шүргэсэн насанд нь мэндэлсэн гурван тэрсхэн хүүтэйгээ Баянхонгор баймгийн Баянбулаг суманд очжээ. Тэрээр “Дээшээ өгсөөд миний төрсөн бууц байгаа. Энэ хэд маань хаанаас, юунаас үүссэн гарсанаа очиж үзэх хүсэлтэй гэнэ” хэмээжээ.
Discussion about this post