УИХ-ын гишүүн Н.Учрал 76 гишүүн дотроо хамгийн өндөр саналаар Сонгинохайрхан дүүргээс сонгогдсон. Өнгөрсөн оны 11 дүгээр сарын сүүлчээр гэнэт бие нь муудаж өвөлжингөө эмчлүүлсэн. Хоёрдугаар эмнэлэгт удтал хэвтсэний эцэст Герман улсад эмчлүүлэхээр явсан. Герман улсад очиж эмчлүүлсэн нь үр дүнгээ өгч, Н.Учрал гишүүнийн бие сайжирч ажилдаа эргэн орсон билээ. Гэсэн ч хүнд өвдсөний ул мөр үлдэж, 30 гаруй кг турсан бололтой харагддаг. Одоо ч бие нь бүрэн тэнхэрч амжаагүй. Монголчууд өвдөж зовсон нэгэндээ тун сайн ханддаг болохоор Н.Учрал гишүүнд их сайн ханддаг. Харин сүүлийн үед Н.Учрал гишүүний нэр хүндийг туслах нь шавартай хутгах бололтой. А.Зулхүү гэгч залуу эхнэр хүүхний асуудлаар нэг бус хүн рүү доромжилсон чат бичсэн нь ил боллоо. Эхнэр нь ч татагдан оролцож, эхнэрийн чат нь ил гарч, гэр бүлийн хүчирхийлэгч байх магадлалтай гэж твиттерээр шуугиж байна. Мөн саяхан үүр шөнийн заагаар фэйсбүүктээ боодол боодол гаргаж харуулав. Зүгээр л нэг УИХ-ын гишүүний туслахт боодол доллар байж, түүнийгээ цахимд гайхуулж байгаа юу гэлтэй зургийг нь байршуулна гэдэг хачирхалтай. Сүүлийн үед Ерөнхий сайд Л.Оюун-Эрдэнэ Авлигатай тэмцэх комисс байгуулна гэж ярьсан. Өнөөдрөөс байгуулагдаж байгаа уг комиссоороо хамгийн түрүүд боодол доллар гаргаж гайхуулсан энэ нөхрийг шалгаасай. Энэ А.Зулхүү мөн НАМЗХ-ны Удирдах зөвлөлийн гишүүн юм байна.
Discussion about this post