“Гурван охин” хамтлагийнхан нас нь 30 хол гарч, хамтлагийн гишүүд ээлж дараалан ханьтай боллоо. Хамтлагаасаа хамгийн түрүүнд Г.Анхмаа ээж болж, үеийнхээ залуу жүжигчин Т.Билэгжаргалтай амьдарсан. Цуутай хос салж, Т.Билэгжаргал өргөст торны цаана суугаа. Б.Ундарга охиноо өөр дээрээ авсан. Г.Анхмаа хоёр “гал үзэж” Худалдаа хөгжлийн банкны гүйцэтгэх О.Орхонтой амьдарч байна. Хамтлагийн гишүүн Х.Ану 2-3 жилийн өмнө ээж болсон. Харин хамтлагаасаа ганцаараа тунаж үлдсэн хамтлагийн ахлагч Д.Солонго хань ижилтэй болжээ. Д.Солонго 1984 онд төрсөн 38 нас хүрч байгаа. Өдийг хүртэл ганцаараа амьдарсан Д.Солонго “Монгол Хьюндэй” компанийн захирал О.Энхмандахтай амьдарч байна. О.Энхмандах экс ерөнхийлөгч Х.Баттулгын ойрын хүн гэдэг. Тиймээс 2019 оны наадмаар Ерөнхийлөгчийн уламжлал болгосон үдшийн хүлээн авалтад “Гурван охин”-ы Д.Солонгыг дагуулан ирснээр, тэдний харилцаа олон нийтэд ил болсон. “Гурван охин” хамтлагийн ахлагч Д.Солонго урлагийнхан дотроо их намбатай, буурь суурьтай, сэргэлэн бүсгүй гэгддэг. Тиймээс 2016 оны өвөл “Гурван охин” хамтлагийнхан тухайн үеийн ерөнхийлөгч Ц.Элбэгдоржийг даган, Швейцарийн Давос хотноо Дэлхийн эдийн засгийн 46 дугаар чуулга уулзалтад оролцсон. Тэр үеэр болсон “Монголын үдэш” арга хэмжээнд “Гурван охин” хамтлагийнхан ая дуулсан юм. Тэр үед олон нийтийн арга хэмжээд тэр тусмаа Швейцарийн Дэлхийн эдийн засгийн чуулга уулзалт дээр нүцгэн шахуу, шөнийн клубын хүүхнүүд шиг дуулсан гэж шүүмжлүүлж байлаа. Мөн МАН-ын лидер Гадаад харилцааны сайд байх үед Шанхайн экспод урлагийнхныг төлөөлөн очиж дуулсан. Энэ төр засагтай “сүлбэлдсэн” сэргэлэн зан нь хувийн амьдралд ч илэрдэг бололтой. Хаана гоонь эр болсон банкир, бизнесмэн байна, “Гурван охин”-ы бүсгүйчүүд алдалгүй “барьж авч”, хурим найр гэлгүй, галыг нь сахиж, кофег нь чанаж сууна.
Discussion about this post