Худалдаа хөгжлийн банкны “Шангрила” дахь салбараас тавдугаар сарын 25-ны өдөр 50 орчим насны эмэгтэй 13 хүнтэй бүлэглэн хуурамч бичиг баримтаар үйлчлүүлж, хоёр сая ам.доллар залилсан хэрэг гарсан. Сэжигтнүүдийг зургадугаар сарын 03-ны өдөр баривчилж, мөрдөн шалгах ажиллагааг явуулж байгаа. Залилсан эмэгтэй нь барилгын чиглэлээр үйл ажиллагаа явуулдаг БНХАУ-ын хөрөнгө оруулалттай компанийн баримт бичгийг хуурамчаар үйлдсэн байжээ. Банкнаас их хэмжээний мөнгө залилсан тус хэрэгт цагдаагийн байгууллагаас 13 хүнийг сэжигтнээр тооцож, мөрдөн шалгаж байгаа. Худалдаа хөгжлийн банк руу ямар нэгэн мөнгөн шилжүүлэг хийгдээгүй байгаа аж. Машинаас олдсон 1.1 сая ам.доллар энэ хэрэгтэй холбоотой нь тогтоогдвол үлдсэн мөнгийг нь хаана, хэрхэн зарцуулсан зэрэг асуудал үүснэ. Өнөөдрийн байдлаар тус хэргийг мөрдөн шалгах ажиллагаа үргэлжилж байгаа бөгөөд хэрэгт холбогдогсдын хэн нэгэн нь мэдүүлгээс татгалзсан, зугтсан асуудал гараагүй байна. Өнөөдрийн байдлаар нэг сая гаруй ам.доллар олдсон. Гэхдээ тэр мөнгө банк залилсан хэргийн сэжүүр мөн эсэхийг мөн л тогтоогоогүй байгаа аж. Нотлогдоогүй учраас Худалдаа хөгжлийн банкинд шилжүүлээгүй байгаа гэнэ.
Discussion about this post