Анжелина Жоли хүүхдүүдтэйгээ хамт Нью-Йоркт амралтаа өнгөрүүлж байгаа аж. Тэд зугаалж, шопинг хийж, музей, ресторан оржээ. Брэд Питтээс салсны дараа удаан хугацаанд ганц бие байсан 46 настай Анжелина Жоли хуучин нөхөр Жонни Ли Миллертэйгээ уулзах болсон байна. Тэд 1995 онд “Хакерууд” киноны зураг авалтын үеэр танилцаж, жилийн дараа гэрлэж байсан билээ. Жоли, Миллер нар 1999 онд салсан юм. Гэсэн ч тэд сайхан харилцаатай хэвээр үлдсэн гэдэг. Анжелина Жоли Жоннигоос салснаа том алдаа гэж үздгээ илэрхийлжээ. Тэрбээр дөрвөн жил хамт байсан анхны нөхөртэйгөө дахин түүнтэй гэрлэх өдөр ирэхийг ч үгүйсгээгүй гэнэ.
Хосууд эргээд уулзаж байгаа нь нотлогдож, Анжелина Жоли хоёр ч удаа Бруклин дэх Миллерийн гэрээс гарч яваад хүмүүст баригджээ. Эхлээд тэрбээр хуучин нөхрийндөө ганцаараа ирсэн бол хоёр дахь удаадаа хүү Пакстайгаа хамт иржээ. Хүүхдүүдтэйгээ танилцуулсныг бодоход Жоли энэ харилцаандаа нэлээн ач холбогдол өгч байгаа бололтой. Уг нь Жоли хүүхдүүдээ 10 шахам жил хамт өсгөсөн ааваас нь хүртэл харамлаж, Жоли шүүх дээр Брэдэд ялагдаж, хүүхдүүдээ аль аль нь тэгш эрхтэй асран хамгаалах шийдвэр гарсны дараа ихэд бухимдсан байсан юм.
Discussion about this post