1921 онд ардын хувьсгал ялсны дараа Гэгээрлийн яам анх байгуулж, Жамъянг гүнг боловсролын салбарын анхны сайдаар томилсон боловч хэдхэн сарын дараа өөрийн хүсэлтээр ажлаа өгчээ. Оронд нь Эрхүүгээс ирсэн Эрдэнэбатхааныг томилсон гэнэ. Эрдэнэбатхаан нь Ардын жүжигчин, төрийн шагналт, нэрт зохиолч Э.Оюун гуайн аав. Э.Оюуны төрсөн дүү нь Э.Агваандорж гуай. Гуравдугаар цахилгаан станцын даргаар олон жил ажилласан Э.Агваандорж гуай иргэний хөдөлгөөний идэвхтэн, тэмцэгч А.Саруулын аав. Харин Иргэний танхимын ажилтан хатагтай А.Саруулын төрсөн ганц охин нь залуусын сайн мэдэх загвар өмсөгч С.Төгс.
Загвар өмсөгч С.Төгс С.Оюун гуай ээж, Эрдэнэтбатхааны гэргий Цэцэгтэй их төстэй юм билээ. Юутай ч хувьсгалын үймээний үеэр 20-ид онд Монголд ирж ирсэн Оросын буриад Эрдэнэбатхаан манай боловсролын салбарт асар их ажил гардан хийсэн гэдэг. Охин Э.Оюун нь манай театр урлагийн түүхэнд үнэлж баршгүй хувь нэмэр оруулсан нэгэн. Харин тэдний ур удам нь болсон А.Саруул иргэний нийгэм байгуулахын төлөө идэвхтэй тэмцэж, С.Төгс загварын ертөнцөд их амжилт гаргаж буй. С.Төгс “GalGarriesmodels” агентлагт харъяалагдаж, Сингапур, Солонгост загварын чиглэлээр ажиллаж байсан. Эмээ өвөө нь манай урлагийн элит гэж болох С.Төгс Азийн топ моделийн тэмцээнд Монголоо төлөөлөн оролцож байсан шилдэг топ модель. С.Төгсийн ээж А.Саруул залуудаа нэг удаа загварын сэтгүүлд зургаа авахуулж байсан ч өөрт нь огт таалагдаагүй, хувцас загварын ертөнцийг орхиж байсан гэдэг.
Discussion about this post