“Синди” тураах төв ажиллуулж чамгүй бэлжсэн Цэнд-Аюуш гэж дуулиантай эмэгтэй байв. Тэрээр анх “Синди” төвөө байгуулахад “Хулан” тураан галбиржуулах төвийн захирал Ж.Цолмон “Цэнд-Аюуш манай төвд явж байгаад 120 кг-аас 80 кг болтлоо тураад, манай патентыг хулгайллаа” гэж ярьсан. “Синди” тураах төвийн Цэнд-Аюуш ч “Манайх Синди Кроуфорд руу захиа бичиж, тураах төвөө Синди гэж нэрлэх эрх авсан” гэж ярьж байсан билээ. Хөхөө гаргасан зургаа хэвлэлүүдэд тарааж, өөрийгөө, төвөө магтсан ярилцлагыг хайр найргүй тавьдаг байсан Цэнд-Аюуш чимээгүй болжээ. Хамгийн сүүлд Кёкүшюзан Баясгалан манай төвийг ивээн тэтгэж, Японы шинэ тоног төхөөрөмж бэлэглэнэ гэсэн хэмээн цуурсан. Сүүлийн хэдэн жилд Цэнд-Аюуш чив чимээгүй болсон. Дуулиантай амьдралаас залхсан тэрээр буддын шашинд гүн орж, бясалгал иог сонирхон нам гүм амьдралыг эрхэмлэх болжээ.
Discussion about this post