Оросын алдарт балетчин 39 настай Владимир Шкляров тагтнаас унаж нас баржээ. Шкляров нь Санкт-Петербург хотын түүхэн Марийнскийн театрын од байсан. Тэр ирэх даваа гарагт нурууны хагалгаа хийлгэхээр төлөвлөсөн, өвчин намдаах эм уусныхаа дараа таван давхрын тагтнаасаа унасан байна. Тэр эхнэр, хоёр хүүхэдтэй.
“Марийнскийн театрын хамт олон болон балетын урлагийн ертөнцийнхөн түүний үхлийг гүнээ харуусаж байна” гэж театрын төлөөлөгч мэдэгдсэн ч үхлийн нөхцөл байдлын талаар дэлгэрэнгүй тайлбар хийгээгүй байна.
Тэрээр мөн тус театрын бүжигчин Мария Шкляровтой гэрлэсэн, тэд хоёр хүүхэдтэй байв. Шкляровын үхлийн хэргийг мөрдөн шалгах ажиллагааг Оросын мөрдөн байцаах байгууллага эхлүүлсэн бөгөөд урьдчилсан дүгнэлтээр үүнийг осол байсан байж болзошгүй гэж үзэж байгаа гэнэ.
Шкляров нь “Цөмөөхэй”, “Ромео Жульетта”, “Нойрсож буй гүнж” зэрэг сонгодог балетын гүйцэтгэлээрээ хэд хэдэн нэр хүндтэй шагнал хүртсэн. Орос төдийгүй олон улсад байнга аялан тоглолт хийдэг байв.
Шкляров Лондонгийн Royal Opera House, Нью-Йоркийн Metropolitan Opera зэрэг дэлхийн алдартай театрт тоглож байсан бөгөөд 2014, 2015 онд Нью-Йоркийн American Ballet Theatre-д зочин уран бүтээлчээр оролцсон гэж BBC мэдээлжээ.
Discussion about this post