“Мазаалай баавгай хамгаалах үндэсний зөвлөгөөн” төрийн ордонд болж байна.
Мазаалай баавгай нь Говь-Алтай аймгийн Алтайн өвөр говь буюу Аж Богд, Ээж хайрхан, Захуй, Зармангийн говь, Эдрэнгийн нуруу, Баянхонгорийн Тост, Нэмэх дуул, Цагаан богд, Сэгс цагаан богд, Шинэжинст орчмын нийт 45,000 км2 нутагт нутаглаж байна.
Баавгайн тоо толгойг нэмэгдүүлэхэд түүний идэш тэжээл, задгай уст цэгийг нэмэгдүүлэх шаардлагатай ба бэлчээрлэн нутаглах 45,000 км2 газрыг 61 000 км2 болгон нэмэгдүүлэх шаардлага үүсч байгаа талаар байгаль хамгаалагч, судлаачид хэллээ.
Мазаалай баавгайн бэлчээрлэн нутаглах талбайд үйл ажиллагаа явуулж буй уул уурхай, говийн баянбүрдүүдийг хүн эзэмшсэн зэрэг хүний хүчин зүйлийн нөлөөллөөр тоо толгой буурахад хүрч байна.
Мазаалайн тоо толгой 1960 онд 15-20 толгой, 1970-д онд 20 гаруй, 1980-д оны сүүлчээр 50-60 байсан бол 2020 онд 50 хүрэхгүй тоо толгой үлджээ.
Улаан номонд орсон, Дэлхийд байхгүй нэн ховордсон МАЗААЛАЙ баавгайг хамгаалах, тоо толгойг нь өсгөхөд төр засгаас бодлогоор дэмжих, төр иргэдийн хамтын оролцоо чухал болохыг зөвлөгөөнөөр онцоллоо. 
Discussion about this post