Дундговь аймгийн малчид, хөдөлмөрчиддөө зориулж “Адуучин брэнд”-ийн өвлийн өмдийг 20,000 төгрөгийн хөнгөлөлттэй худалдан авах 1,000 ширхэг эрхийн бичгийг өнөөдөр тус брэндийн үүсгэн байгуулагч “Их газрын чулуу” ХХК-ийн захирал П.Баяржаргал аймгийн Засаг дарга Ц.Мөнхбатад хүлээлгэн өглөө.
“Адуучин брэнд”-ийн өвлийн өмд нь давхар дулаалгатай өмдтэй, жилийн дөрвөн улиралд өмсөх боломжтой, хамгийн дулаан, чанартай материалаар хийгдсэн бөгөөд нуруу, бөөрийг хамгаалах өндөр нуруувч бүхий гэдгээрээ давуу талтай. Зөвхөн малчид төдийгүй хөдөө гадаа явдаг, гадаа ажилладаг хүмүүс өмсөхөд зохимжтой аж. Энэхүү өмд нь 120,000 төгрөгөөр худалдаалагддаг бөгөөд эрхийн бичгээрээ 20,000 төгрөгийг хөнгөлүүлэх юм. Тус эрхийн бичгийг сумдын Засаг даргын Тамгын газраар дамжуулан тараах бөгөөд эрхийн бичиг дээр байгаа хаяг, байршлаас худалдан авах боломжтой.
Discussion about this post