Мали улсын Ерөнхий сайд асан Бубэй Майга албан тушаалаасаа огцорсон Ерөнхийлөгч Ибрагим Бубакар Кейтагийн засаглалын үед ерөнхийлөгчийн нисэх онгоц худалдан авахад оролцсон тул баривчлагджээ. Тэрбээр 2014 онд 40 сая ам.доллараар нисэх онгоц худалдаж авсантай холбоотой гэж өмгөөлөгч Кассум Тапо нь Ройтерс агентлагтай утсаар ярихдаа хэлсэн байна.
Тухайн үеийн улстөрчид Кейтагийн засаг захиргаа нисэх онгоцыг хэт өндөр үнээр худалдан авсан үйлдэл нь авлигын гэмт хэргийн шинжтэй гэж дүгнэдэг юм. Улмаар энэ нь Кейтагийн ерөнхийлөгчийн албан тушаалд нөлөөлж, зээлдүүлэгчдийг айлгасан улс төрийн үйл явдал болж байжээ. Үр дүнд нь Олон улсын валютын сан, Дэлхийн банк баруун Африкт орших тус улсад үзүүлэх санхүүжилтээ зогсоосон билээ.
Бубэй Майга 2017-2019 онд Ерөнхий сайдаар ажилласан бөгөөд 2022 оны Ерөнхийлөгчийн сонгуульд нэр дэвших боломжтой улстөрчдийн нэг юм.
Тус улсын төрийн эргэлтийг удирдаж байсан, одоо түр ерөнхийлөгчөөр ажиллаж байгаа хурандаа Ассими Гоита энэхүү шилжилтийн үеийг тэргүүлж байгаа юм.
Discussion about this post