Холливудын алдарт жүжигчин Дуэйн Жонсонтой адилхан цагдаа цахим орчинд олны анхаарлыг татаж байна. Юта мужийн цагдаагийн офицер, 37 настай Эрик Филдсийг хүмүүс жүжигчин Дуэйн Жонсонтой андуурдаг. Түүнийг 49 настай жүжигчин Дуэйн Жонсонтой халзан толгой болон биеийн бүтэц, өндөр нь адилхан харагдуулдаг.
Холливудын одтой адилхан офицер “Нэг талаараа нохой зодооны мундаг тамирчин, чадварлаг жүжигчинтэй төстэй гэхэд сайхан санагддаг ч би зүгээр л өөрөөрөө байгаа минь энэ юм. Түүнийг дуурайж, албаар адилхан болох гэсэн хүсэл байхгүй. Би хэн нэгний хувьд тухайн өдөрт нь инээд баясал бэлэглэж байдагтаа баяртай байдаг” гэжээ. Цагдаагийн албанд 17 жил ажиллаж байгаа офицер Филдс хүмүүс түүнийг Дуэйн Жонсонтой андуурдагт бараг дасжээ. Walmart-ийн ажилтан Тайлер цагдаагийн дүрэмт хувцастай Филдстэй авахуулсан зургаа фэйсбүүк дээр хуваалцсаны дараа олон нийтийн анхаарлыг татжээ. Хүмүүс Филдс, Жонсон хоёр хамтдаа зургаа авахуулах боломжтой эсэхийг асуухад шерифийн алба хошигнон “Бид хичээсэн. Гэхдээ тэд өмнө нь таарч байгаагүй ч хэзээ нэгэн цагт таарахыг үгүйсгэхгүй” гэжээ.
Discussion about this post