Монгол Улсад байнгын ажиллагаатай парламент байгуулагдсаны 30 жилийн ойг тохиолдуулан үе үеийн парламентын гишүүд, УИХ-ын Тамгын газрын ахмад ажилтан болон одоо ажиллаж буй ажилтнуудынхаа дунд шатрын тэмцээн зохион байгууллаа. Тэргүүн байранд УИХ-ын гишүүн асан Ё.Баярсайхан, Дэд байранд Улсын Бага хурлын гишүүн Д.Лхамжав, харин гуравдугаар байрт УИХ-ын дарга Г.Занданшатар оржээ.
Парламентын экс болон одоогийн эмэгтэй гишүүдийн тэмцээнд УИХ-ын гишүүн асан С.Мөнхөө нэгдүгээр байрт шалгарч алтан медаль авсан бол УИХ-ын гишүүн Б.Саранчимэг мөнгө, УИХ-ын гишүүн асан Н.Гэрэлсүрэн гуравдугаар байр эзэлж хүрэл медаль хүртэв.
Энэ удаагийн тэмцээнд 40 гаруй шатарчид оролцсоноос олон улсын хэмжээний мастер нэг, спортын мастер, дэд мастер тус бүр гурав оролцжээ.
Discussion about this post