Английн хатан хаан II Елизавета өөрийн хуулийн зөвлөх, туслахуудад даалгавар өгчээ. Тэрбээр “Хэрэв түүний ач, ханхүү Харрийн болон гэргий Меган Марклын ямарваа мэдэгдэл, ярилцлага нь Английн хааны гэр бүлийн нэр хүндэд халдсан, гүтгэн гүжирдсэн агуулгатай бол шууд Шүүхэд хандах төлөвлөгөө бэлдэхийг хатан хаан даалгасан хэмээн Букенгэмийн ордны нэрээ нууцалсан этгээд мэдэгдсэн” гэж “The Sun” сонин бичжээ.
“Бүхэнд хэм хэмжээ, хязгаар гэж бий гэж хатан хааны гэр бүл үзсэн. Хатан хаан байнгын дайралтад өртсөөр тэсвэр алдсан тул цаашид аливаа дайрлагыг тэвчихгүй гэж Харри, Меган нарт ойлгуулахаар шийдсэн юм. Хатан хааны хуульчдын баг одоо гүтгэлэг, хувийн амьдралын асуудлаар дагнан ажилладаг фирмүүдтэй зөвлөлдөж байгаа” хэмээн нууц эх сурвалж ярьсан байна.
Английн хаан ширээг залгамжлах, хунтайж Чарльзын хүү Харри дурсамж бичиж эхэлсэн аж. Тэр өөрийн амьдрал, тохиолдсон адал явдал, том гарз, бие хүн болж төлөвшихөд тусалсан амьдралын сургамжийн тухай маш дэлгэрэнгүй өгүүлэхээр болжээ. Дурсамжийн номыг 2022 оны сүүлээр АНУ-ын “Penguin Random House” хэвлэлийн газар гаргана.
“Хэн нэгнийг цохож дурдах, ямар нэг хэрэгт буруутгасан тохиолдолд… энэ бүхнийг гэр бүлийн хувийн амьдралын халдашгүй эрхийг зөрчсөн хэрэг, мөн гүтгэлэг гүжирдлэг гэж үзнэ. Ийм сэрэмжлүүлгийн хэвлэлийн газарт ч илгээхээр болсон” хэмээн дээрх эх сурвалж онцолжээ. Букингэмийн ордон харин “The Sun” сонины энэ мэдээнд тайлбар хийхээс татгалзсан байна.
“Хэн нэгнийг цохож дурдах, ямар нэг хэрэгт буруутгасан тохиолдолд… энэ бүхнийг гэр бүлийн хувийн амьдралын халдашгүй эрхийг зөрчсөн хэрэг, мөн гүтгэлэг гүжирдлэг гэж үзнэ. Ийм сэрэмжлүүлгийн хэвлэлийн газарт ч илгээхээр болсон” хэмээн дээрх эх сурвалж онцолжээ. Букингэмийн ордон харин “The Sun” сонины энэ мэдээнд тайлбар хийхээс татгалзсан байна.
Өнгөрсөн хавар ханхүү Харри, гэргийтэйгээ цугтаа Опра Уинфрийн нэвтрүүлэгт оролцохдоо хэд хэдэн дуулиант мэдэгдэл хийсэн нь хатан хааны гэр бүл, Английн хаант засаглалын нэр хүндэд хүчтэй цохилт болсон. “Манай нөхрийн төрөл садны нэг нь төрөөгүй хүүхдийн маань арьсны өнгө ямар байх тухай яриа өдсөн…. Амиа хорлох бодол миний толгойд төрдөг байлаа… Тэд надад туслахаас татгалзсан” хэмээн Меган Маркл тэгэхэд ярьсан юм.
Тэд саяхан бас нэг хачирхалтай мэдэгдэл хийсэн. Ханхүү Харри, гэргийтэйгээ “CBS” телевизэд ярилцлага өгөхдөө хуримын нууц ёслол үйлдсэн тухайгаа ярьсан билээ. Тэд 2018 оны 5 сарын 19-нд албан ёсоор гэрлэж хуримын ёслолыг дэлхий даяар цацсан. Харин Меган Меркл “Хэн ч энэ тухай мэдэхгүй. Хуримаас 3 хоногийн өмнө нууц ёслол болсон. Бид зүгээр л лам архиепископ уу утастаад “Манай хурим бол дэлхий дахинд зориулсан жүжиг учраас зөвхөн хоёр биендээ зориулж холбоогоо батлахыг хүссэн” гэж хэлсэн юм. Гэр бүлийн гишүүдгүй, ямар ч зочидгүй нууц ёслолыг гэрийнхээ ар талын хашаанд үйлдсэн. Зөвхөн архиепископ Кентерберийский байсан” хэмээн ярьжээ.
Discussion about this post