Түүхчдээс хамгийн их хэл аманд өртдөг ч, хамгийн өндөр албан тушаалд хүрсэн нь С.Чулуун. Түүхч тэрбээр нэг үе М.Энхболд хүчтэй байхад нэг нутгийнх гэж дагаж, дараа нь экс ерөнхиийлөгч Х.Баттулгын гэж явсан гэдэг. Түүхч С.Чулуун шинэ байгуулагдсан Соёлын яамны сайдаар анх ажилласан. Одоо Ч.Номинд ажлаа өгч, баригдаж буй “Чингис хаан” музейн захирал болсон. Шинэ музейн захирал С.Чулуун тендер шалгаруулалтын ажил гээд завгүй яваа бололтой.
Чингис хааны музейн оффисыг тохижуулахаар наймдугаар сарын 16-нд нийт 580 сая төгрөгийн хоёр тендер зарлажээ. Үүнд, компьютер, техник хэрэгсэл худалдан авахаар 250 сая төгрөг, тавилга, эд хогшил худалдан авахаар 330 сая төгрөгийн тендер тус тус зарласан байна.
Мөн музейн үзмэрийн шилэн хорго, тоног төхөөрөмжийг хийх таван тэрбум төгрөгийн нээлттэй тендерийг 2021 оны зургадугаар сарын 16-нд зарласан. Уг тендерт хоёр компани оролцсон ч тендерийн бичиг баримт шаардлага хангаагүйгээс долдугаар сарын 22-нд дахин нээлттэй тендер зарласан юм.
Discussion about this post