Саяхан хөлбөмбөгийн алдарт тамирчин Лионель Месси “Барселона” багаас явж байгаагаа олонд зарлаж, хэвлэлийн бага хурал хийсэн билээ. Энэ үеэр Аргентин тамирчин Месси “Бид Барселонаг гэрээ гэж бодож байсан. Энэ хотод амьдарч, хөлбөмбөг тоглох гайхалтай байлаа. Гэвч өнөөдөр би энэ бүхэндээ баяртай гэж хэлэх хэрэгтэй болж байна. Энд 13 настайгаасаа хойш байлаа. 21 жилийн дараа би эхнэр, гурван хүүхдийнхээ хамтаар энэ хотоос явж байна” гэж хэлэхдээ сэтгэл нь хөдөлж нулимс унагасан билээ. Месси нулимсаа амны цаасаар арчиж байсан.
Тэгвэл түүний нулимсаа арчсан амны цаас дуудлага худалдаагаар нэг сая ам.долларын үнэд хүрчээ. Мессигийн Барселона дахь сүүлийн хэвлэлийн бага хуралд оролцсон нэгэн эрхэм ширээн дээр орхисон амны цаасыг авч, дуудлага худалдаанд оруулсан аж. Хамгийн гол нь энэ амны цаасанд алтан бөмбөгийн зургаан удаагийн шагналт Лионель Мессигийн нулимс шингэн хатсан.
Цахим орчинд ч энэ талаар хүмүүс сэтгэгдлээ илэрхийлж, тоглоом наадам болж байна. Тухайлбал “Түүний орон доорх оймс хэд хүрэх вэ?”, “Утгагүй тэнэглэл”, “Хэн нэгний хог өөр нэгний эрдэнэ болох гэлцэж байна.Нулимсаа арчсан салфетка нь 1 сая ам.доллар хүрсэн түүний шинэ баг “ПСЖ” ч аль хэдийнэ нэр нүүрээр ашиг олоод эхэлжээ. Учир нь Мессигийн шинэ өмсгөлийг авах гэсэн хүмүүс “ПСЖ” багийн онлайн дэлгүүрт их хандаж байгаа гэнэ. 
Discussion about this post