МЗХ, эрүүл мэндийн салбарт 100 ширхэг амьсгалын аппарат хандивлана

“Хамтдаа хичээцгээе” уриатайгаар орон даяар зохион байгуулагдаж буй “АМЬ НЭГ” залуучуудын хөдөлгөөн үргэлжилж байна.

“Ковид-19 цар тахлыг Монгол Улсад залуучуудын оролцоотойгоор халдвар, нас баралтыг бууруулах, бүх нийтэд үнэн зөв мэдээллийг олон талт хэлбэрээр, залуучуудын дуу хоолойгоор хүргэх, МУ-ын Засгийн газар, УОК, ЭМ-ийн байгууллагуудын үйл ажиллагааг дэмжих, туслах, оролцох, иргэн бүрт урьдчилан сэргийлэх мэдлэг олгох, халдвар авсан иргэдийн сэтгэл санааг дэмжих, нийгмийн гадуурхлаас хамгаалах, иргэн бүрийг хариуцлагатай байхыг чиглэсэн цахим болон нийгмийн үйл ажиллагаануудыг хэрэгжүүлэх, залуучуудын хандив тусламжаар тулгамдсан асуудлуудыг шийдэх зорилготой.

Үүний хүрээнд Эрүүл мэндийн салбарт хандивлах 100 ширхэг амьсгалын аппаратыг хандивлахад бэлэн болсон байна. Тус амьсгалын аппаратыг 21 аймгийн залуучуудын байгууллага болон, хүндэт ерөнхийлөгч, дэд ерөнхийлөгч нараас тус тус хандивлаад байгаа юм. Удахгүй амьсгалын аппарат шаардлагатай байгаа дүүргүүдийн эрүүл мэндийн төвүүдэд хандивлана.