Словак улсын хөлбөмбөгийн лигт анхны гоолоо оруулсан Комарно клубын тоглогч Г.Ганбаяртай тус улсын телевизийн сурвалжлагч ярилцжээ. Ярилцлагын хэсгээс хүргэж байна.
Сурвалжлагч: Өдрийн мэнд хүргэе. Шударгаар хэлэхэд, надад Монгол гэрт амьдрах мөрөөдөл байдаг юм. Комарно багийн тоглогч энэ тал дээр надад тусалж магадгүй. Гэрт амьдрах гоё байдаг уу.
Г.Ганбаяр: Монголд олон айл гэрт амьдардаг. Би гэрт удаан амьдарч байгаагүй ч гоё санагддаг шүү.
Сурвалжлагч: Гэрт амьдрах эрүүл мэндэд сайн байх. Магадгүй энерги өгдөг болов уу. Хөлбөмбөгийн Пушкаш академиар хаяглагддаг нь чамд эрч хүч өгдөг байх даа. Шулуухан хэлэхэд, Унгар улсад Монгол хөлбөмбөгчин тоглодог тухай анх сонсоод: Юу гэнэ ээ, Монгол хөлбөмбөгчин гэнэ ээ /гайхсан байдлаар/ гэж асууж байлаа. Ингэхэд Монголд хөлбөмбөг хэр хөгжиж байгаа вэ?
Г.Ганбаяр: Монголын хөлбөмбөг өмнөхөөсөө илүү сайжирч байгаа, цаашдаа ч улам хөгжих болно. Мэргэжлийн түвшинд дөхөж очихоор шинэ хөлбөмбөг Монголд бий болсон.
Сурвалжлагч: Бүтэн нэрийг чинь яаж дуудах вэ?
Г.Ганбаяр: Ганболд Ганбаяр
Сурвалжлагч: Яг л бичсэн шигээ энгийн юм аа. Словакийн лигт анхны гоолоо оруулсанд баяр хүргэе. Пушкаш академид суралцсанаараа чи хэрхэн хөгжсөн бэ? Комарно багт ямар чадвараа харуулах гэж байна вэ?
Г.Ганбаяр: Би бүх талаараа хөгжсөн. Пушкаш академи бол Унгар улс дахь хөлбөмбөгийн хамгийн сайн сургууль. Би тэнд хөлбөмбөгийн бүхий л зүйлийг сурахыг хичээсэн.
Сурвалжлагч: Миний мэдэхээр чи чадварлаг сайн тоглогч. Аль тал дээр өөрийгөө илүү хөгжүүлмээр байна вэ?
Г.Ганбаяр: Би бэлтгэлдээ өөрийгөө 100 хувь дайчилдаг. Тийм болохоор бүх талаараа хөгжих байх. Одоогоор өөр илүү зүйл хэлж чадахгүй нь ээ.
Сурвалжлагч: Gólöröm, энэ үгийг Монголоор яаж хэлэх вэ?
Г.Ганбаяр: Гоолын баяр гэж хэлнэ.
Сурвалжлагч: Тэгвэл чамд олон гоол оруулахыг хүсье. Чамайг хэн гэж дууддаг вэ?
Г.Ганбаяр: Ganbaa
Сурвалжлагч: Унгарт ийм нэртэй хөлбөмбөгийн баг байдаг даа. Чи тэр багтай гэрээ хийх боломжтой юм байна даа /инээв/ Бид Монгол довтлогчтой ярилцлаа. Монгол хөлбөмбөгчин Комарно багт тоглож байгаа нь сонирхолтой. Комарому хотоос олон хүн ирж хөлбөмбөгийн тоглолт үзэх байх, багийн хувьд ч сонин содон байх болно. Цаашдын тоглолтдоо мөн гоол оруулахыг хүсье.
Г.Ганбаяр: Баярлалаа.
Сурвалжлагч: Ganbaad баярлалаа.
Ярилцлагыг орчуулж ирүүлсэн Унгар улс дахь Монгол оюутны холбооны тэргүүн Ж.Чинхүслэнд Фен клубын гишүүдийн өмнөөс талархлаа илэрхийлье.
Таалагдлаа
Сэтгэгдэл
Discussion about this post