АТГ-аас Орон сууц нийтийн аж ахуйн газар, Ус суваг ариутгах татуургын газар, Мал эмнэлгийн Ерөнхий газруудад ажиллагаа хийж, холбогдох албан тушаалтнуудыг шалгаж байгаа. Өчигдөр АТГ-ын Мөрдөн шалгах хэлтсээс ХӨСҮТ-д ажиллагаа хийсэн байна.
Улмаар ХӨСҮТ-ийн нэгдсэн лабораторийн албаны дарга С.Энхзаяа тэргүүтэй зарим албан тушаалтнууд нь ковидын үед PCR болон түргэвчилсэн шинжилгээ авдаг хэрэгслийн шууд худалдан авалтын гэрээ байгуулахдаа зарим ААН-үүдэд давуу байдал бий болгож, захирлуудтай нь үгсэн тохиролцон үндсэн үнээс өндөр үнээр авч түүнийхээ хариуд их хэмжээний хахууль авсан үйлдэлд буруутган шалгаж байгаа аж.
Улмаар тэднийг ШШГЕГ-ын харьяа цагдан хорих 461 дүгээр ангид саатуулсан бөгөөд хамаарал бүхий этгээдийн гэрээс нь бэлэн 150.000.000 төгрөг хураажээ.
Зуд болохоор нохой, зовлон болоход лам таргална гэдэг. Тангараг өргөсөн цагаан халадтай хүмүүсийн дотроос ийм асуудал гарсан нь харамсалтай.
Discussion about this post