Энэ тухайд дээрх шалгалтын багт ажилласан Монгол улсын хүний гавъяат эмч Шаравын Цэрэнсамбуугийн бичсэнийг нийтлэв.
Ш.Цэрэнсамбуу: ДЭМБ-н төсөл Эх нярайн нэн шаардлагатай тусламжийн үнэлгээний ажлаар төрсөн нутаг Баянхонгор аймаг, Нэгдсэн эмнэлэгтээ ажиллалаа.
Нийт 5 аймагт төслийн үнэлгээ хийсэн бөгөөд Баянхонгор аймгийн Нэгдсэн эмнэлгийн Эх барих эмэгтэйчүүд, Нярайн тасаг, эмнэлгийн удирлагуудын ажил хамгийн сайн байлаа.
Төрөх эмэгтэйчүүд эхчүүдийн амрах байрыг маш сайхан тохижуулж хамгийн цэлгэр сайхан байртай байхын сацуу “Нярайн эрт үеийн нэн шаардлагатай тусламжийг” төслийн хүрээнд хамгийн сайн эзэмшиж чадсан, ЭБЭ-н эмч, эх баригч, нярайн эмч сувилагч нарын мэргэжлийн ур чадвар, мэдлэг маш сайн байв.
Аймгийн удирдлагуудын зүгээс эх нярайн эрүүл мэндийн тусламж үйлчилгээг, ялангуяа цар тахлын үед авч хэрэгжүүлсэн арга хэмжээ, эм тариа, эмнэлгийн хэрэгслийн хангалт түүнд зарцуулсан мөнгө хөрөнгө хамгийн үлгэр жишээ сайн байлаа.
Цар тахлын үед улаан бүсэд ажилласан эмч эмнэлгийн ажилтнуудын цалинг 3 дахин илүү олгож өгсөн Улсын хэмжээний хуруу дарам цөөн эмнэлгийн нэг байгаа туйлын сайшаалтай.
Ард иргэдийнхээ эрүүл мэндийн тусламж үйлчилгээнд онцгой анхаарч байгаа аймгийн удирдлагууд Засаг дарга Д.Мөнхсайхан, ИТХ-н дарга Э.Энхбат нарт баяр хүргэе!
Мөн үндэсний үнэлгээний багт хамгийн өндөр үнэлгээ авсан Нэгдсэн эмнэлгийн эмч ажилтнууд Эрүүл мэндийн газрын дарга Н.Энхжаргал, Нэгдсэн эмнэлгийн дарга Ганболд нарт талархал илэрхийлье.
Таван аймагт хийгдсэн ДЭМБ-н үнэлгээнд хамгийн өндөр үнэлэгдсэн өөрийн төрсөн нутгийн Эрүүл мэндийн салбарын хамт олонд баяр хүргэж ажлын улам их амжилт хүсье! 
Discussion about this post