Өмнөговь аймгийн Засаг даргаар аймгийн цолтой бөх, нэг үе Бөхийн өргөөний менежер, маркетингийн албаны даргаар ажиллаж байсан Р.Сэддорж томилогджээ. Тэрчлэн Сэлэнгэ аймгийн Зүүнбүрэн сумын Засаг даргаар аймгийн арслан Э.Саранбаатар, Сэлэнгэ аймгийн Сант сумын даргаар аймгийн начин Х.Шижирбаатар сонгогджээ. Хөвсгөл аймгийн Цагаан-Үүр сумын засаг даргаар Монгол Улсын начин Амарын Батмөнхийг томилжээ. А.Батмөнх начин Цагаан-Үүр сумын ИТХ-ын 4-р тойрогт МАН-аас нэр дэвшин ялалт байгуулсан байна. Хөвсгөл аймгийн Цагаан-Үүр сумын уугуул, улсын начин Амарын Батмөнх нь 1989 онд төрсөн. Үндэсний бөхөөр барилдаж, 17 настайдаа сумын заан, 20 настайдаа аймгийн арслан, 22 настайдаа улсын начин цол хүртсэн байна.
А.Батмөнх 2009 онд Орхон аймгийн баяр наадамд аймгийн заан Ч.Батчулуунаар долоо даван түрүүлж аймгийн арслан цол хүртсэн. 2011 онд Ардын хувьсгалын 90 жилийн ойн баяр наадамд улсын начин Л.Наранбаатараар дөрөв, улсын өсөх идэр начин Б.Чинзоригоор тав давж Монгол Улсын начин цолыг хүртжээ..
Discussion about this post