УИХ-ын гишүүн Н.Учрал фэйсбүүктээ ингэж бичжээ. “Хүнд өвчнийг дийлэхэд тэвчих, тэсэх, тэмцэх үе гэж байдаг шүү гэж хэлсэн Enkhee Dorjpalam эмчийнхээ зөвлөгөөгөөр бол одоо би тэмцэх үе дээрээ байна. Тэмцэх энэ үед маань түшиг тулгуур болж буй Ц. Өсөхжаргал багшдаа баярлалаа. Сунгалтын дасгал, хөдөлгөөн засал хийх бүрт урам орж өөрийгөө илүү хурцлах мэдрэмжийг авч байна. 5 сар хэвтсэний дараа жин ихээр алдаж булчин шөрмөс агшсан гээд олон хүндрэлүүдтэй учирсан. Тулаад ирсэн зовлонг туулаад л гарах учиртай гээд дасгалаа таслахгүйг хичээн зүтгэж байгаа шүү. Өмнө нь жингийн илүүдэлтэй гэсэн шүүмжлэлд өртдөг байсан бол одоо жин алдсанаа харин ч боломж гэж харж жингийн илүүдэлгүй, эрүүл биетэй болохын төлөө илүү хичээнээ” гэв.
Discussion about this post