Олон улсын олимпийн хорооноос Беларусийн хоёр дасгалжуулагчийг тамирчнаа эх орон руу нь албадан буцаах гэж оролдсон гэж буруутгажээ. Тиймээс Токиогийн олимпоос хөөжээ. Артур Шумак, Юрий Моисеевич нарыг өчигдөр тамирчдын хотхоныг орхин явахыг ОУОХ-ноос шаарджээ. Дасгалжуулагч нартайгаа ам мурийсан Беларусийн гүйлтийн тамирчин Кристина Тимановскаяаг албадан нутаг буцаах гэсэн. Харин тамирчин бүсгүй Японы цагдаа нарын тусламжтайгаар мултарч, Польш улсад нөхрийн хамт орогнож байгаа. Энэ хэрэгт гар бие оролцсон хоёр дасгалжуулагч ийнхүү нутаг буцлаа.
Беларусийн ерөнхийлөгч Александр Лукашенкогийн хүү Виктор улсынхаа олимпийн хороог удирддаг. Александр Лукашенко болон Виктор Лукашенко нарыг тамирчдаа ялгаварлан гадуурхдаг хэмээн буруутгаж, Токиогийн олимпод оролцохыг хориглосон.
Discussion about this post