Дэлхийн хамгийн дур булаам тамирчнаар тодроод буй Германы гүйлтийн тамирчин Алиса Шмидт Токиогийн олимпод уралдаж чадалгүй, тэмцээнээ өндөрлүүлэв. Хөнгөн атлетикийн үзэсгэлэнт тамирчин бүсгүй 4х400 метрийн холимог багийн багийн буухиа болон 4х400 метрийн эмэгтэйчүүдийн багийн буухиа төрөлд оролцох байсан юм. Харамсалтай нь, тэмцээний туршид сэлгээнд сууснаар аль ч төрөлд оролцоогүй аж. Германы холимог баг түүнгүйгээр шигшээ шатанд шалгарсан боловч дохионоос өмнө гараанаас гарсан гэж хасагдсан байна. Харин эмэгтэй багийнх нь хувьд урьдчилсан шатанд дөрөвдүгээр байр эзлэн шигшээд шалгарч чадаагүй.
2.3 сая дагагчтай инстаграм хуудаснаа тамирчин бүсгүй “Сүүлийн хэдэн өдөр та бүгдээс маш сайхан зурвасыг хүлээн авлаа. Та бүхэн миний олимпийн анхны уралдааныг харах гэж хүлээсэн байх. Гэхдээ бэлтгэл дээрх сорил уралдааны дараагаар би гараанд гарч чадахгүй болсон. Энэ аяллын турш та бүхнээс авч байсан хайр халамж, дэмжлэг туслалцаа бүртээ талархаж байна. Одоо би багаа дэмжих л үлдлээ. Баг маань олимпийн шигшээд уралдана гэдэгт итгэж байна. Токиод өнгөрүүлсэн мөч бүртээ баяртай байна. Их ч зүйл сурч, туршлага суулаа” гэжээ. Өдгөө 22 настай Алиса Шмидт нь Германы хөлбөмбөгийн Боруссиа Дортмундын багийн фитнесийн зөвлөхөөр ажилладаг юм байна.
Discussion about this post