Их дуулга тэмцээний 20 түрүүтэй домогт теннисчин Рожер Федерер өвдөгний бэртлийн улмаас Токиогийн олимпийг өнжихөөр болсноо мэдэгдлээ. Тэрбээр Бээжингийн олимпийн хосын төрөлд аваргалсан бол Лондоны олимпийн ганцаарчилсан төрөлд мөнгөн медаль хүртэж байв. Федерер эдүгээ дэлхийн чансааны 9-д бичигдэж байгаа. Өнгөрсөн жил өвдөгтөө хоёр ч удаа хагалгаа хийлгэсэн юм. Энэ гэмтлээсээ болоод Токиогийн олимпод оролцохгүй нь.
Алдартнуудаас Р.Надаль, Серена Уильямс нар мөн олимпод оролцохгүй бол саяхан Уимблдонд түрүүлсэн Н.Жокович тоглох магадлалаа 50:50 хувьтай хэмээн тодорхойлсон юм.
Discussion about this post