Өнөөдөр буюу 2021 оны 07 дугаар 06-нд Дээрхийн Гэгээн XIV Далай багшийн мэлмий гийсний 86 насны ой тохионо.
Жавзандамба хутагт төв Далай багшийн төрсөн өдөр сарлаг болон 5 хошуу мал сэтэрлэж, тэрхүү амьтны амь дархалсан буянаа Дээрхийн гэгээнд төрсөн өдрийн бэлэг болгон, мөн өлмий нь өнөд бат оршихын тухайд өргөн барих аж.
Архангай, Өвөрхангай, Баянхонгор, Хөвсгөл, Завханы сарлагтай малчдыг нийтийн буянд найралдаж, өөртөө буян хурааж, их төрөлхтөн Далай багшид төрсөн өдрийн бэлэг барьж, лам хуврагуудыг гэртээ залан сарлаг сэтэрлүүлэхийг уриалж байна.
Олон газар орноос, олуулаа нийлэн сайн сайхан зүйлийг үйлдэх нь маш хүчтэй буян болдог бөгөөд энэхүү буяны үр нь хэзээ төгс гэгээрлийг олох хүртэл уураар үл шамшигдан харин ч улам өөдөө арвидан дэлгэрч байдаг байнаа.
Дэлхийн их хүмүүн Дээрхийн Гэгээн XIV Далай багшид мэлмий гийсний болон өлмий нь өнөд бат оршихын тухайд сарлаг сэтэрлэн бэлэг барих нь маш их хувь ерөөл байх болов уу гэж Жавзандамба хутагт төвөөс санаачлага гаргажээ. Ингэхдээ малчдаас хамтарч ажиллахыг уриалжээ. Малчид ч таван хошуу болон нэг сарлаг гарган өргөл өргөн сэтэрлүүлдэхэд таатай, том буян болох байх болв уу.
Discussion about this post