Манжийн Тэнгэрийг тэтгэгч хааны тамга 22 сая ам.доллароор зарагджээ

2016 оны 12 дугаар сард Францад болсон Drouot дуудлага худалдааны үеэр 18 дугаар зууны Манж Чин улсын эзэн хааны тамга 22 сая ам доллароор зарагджээ.

Улаан хаш чулуугаар есөн луу ороож хийсэн энэхүү тамгыг 1736-1795 оны хооронд Манж Чин улсыг захирч байсан Тэнгэрийг тэтгэгч хаан (Чяньлун) хэрэглэж байжээ.

Дуудлага худалдаа нэлээд ширүүн өрсөлдөөнтэй явагдаж, нэрээ нууцалсан Хятад хүн ялагч болсон байна. Үүнээс өмнө 2011 онд нэгэн тамга 17.4 сая ам долларын үнэ хүрсэн нь дээд амжилт байв.

Тэнгэрийг тэтгэгч хаан нь Манжийн түүхэнд хамгийн удаан төр барьсан хаанд тооцогддог. Түүний хаанчлалын үед Манж Чин улс газар нутгаа бараг хоёр дахин тэлж, 400 сая хүн амыг захирч байжээ.

Гэвч Тэнгэрийг тэтгэгчийн засаглалын төгсгөлөөс эхлэн Манж Чин гүрний хүч суларсаар 1912 онд задран унасан юм.

Хааны тамгыг 19 дүгээр зуунд Францын тэнгисийн хөлгийн эмч Хятадаас худалдан авч, өнөөдрийг хүртэл тэдний удмынханд хадгалагдаж байжээ.

Эх сурвалж: South China Morning Post