Саяхан Баян-Өлгий аймагт коронавиурсын тохиолдол цөөнгүй илэрч, 48 цаг тэг зогсолт хийлээ. Өлгийчүүд “Гол нь Аймгийн Онцгой Комисс Ерөнхийлөгчийн сонгуулийн сурталчилгаанд ирсэн хүмүүсийг тусгаарлахгүй шууд явуулснаас боллоо” гэж байна. Юутай ч Баян-Өлгий аймаг ув улаан аймаг байсныг 60 хол гарсан ч “дарагддаггүй” МАН-ын хоёр дархан хөгшин болох Х.Баделхан, А.Тлейхан хоёроос болж, хааяа цэнхэртэж, АН-ын гишүүд УИХ-д сонгогддог болоод удаж байгаа.
Энэ удаа ч Баян-Өлгийд коронавирус “авчирсан” хүнээр мөнөөх хоёрыг тодруулж сууна. Учир нь Ерөнхийлөгчийн сонгуулиар Х.Бадeлхан, А.Тлeйхан хоёр Баян-Өлгийд 45 хүн хотоос аваачиж, сүр хүчээ үзүүлжээ. Харамсалтай эдгээр 45 хүнээс коронавирус илэрсэн гэнэ. Одоогоор 7 хүн коронавиурсээр халдварласан бололтой.
Аймгийн Засаг дарга нь Бауыржан. Энэ нэр хүмүүст танил. Хэдэн жилийн өмнө буу зэвсгийн хэргээр шуугиан дэгдээж байлаа. “Бууддаг” Бауыржан даргыг хүнтэй зодолдоод хий буудсан гэж хэвлэлүүд мэдээлж байсан. Анх Баян-Өлгий аймгийн Засаг дарга болоход энэ хэрэг сөхөгдсөн юм. Зарим нь эхнэр лүүгээ буу шагайсан ч гэлцдэг. Энэ мэт ярианд өртөж явсан муу нэртэй нөхөр Баян-Өлгийд Засаг дарга болжээ. Муухай дээрээ улцан гэгчээр муу ажиллаж байгаа гэх юм билээ.
Баян-Өлгий аймагт 32 тохиолдол бүртгэгдээд байгаа. Хөл хорионы хугацаанд батлагдсан тохиолдлуудын ойрын болон дам хавьтлуудыг олж тогтоох, шинжилгээ авах, тусгаарлах ажлуудыг зохион байгуулжээ. Тандалт судалгааны хүрээнд ойрын хавьтлын 339 хүнийг илрүүлсэн байна. Үүнээс 245 иргэнээс шинжилгээ авч, 40 иргэний шинжилгээний хариу хүлээгдэж байгаа аж. Цаана нь шинжилгээ аваагүй 94 иргэн байна. Үүнээс 50 иргэний шинжилгээ авах буюу өвчин илрэх хугацаа нь болоогүй гэнэ. Мөн 32 иргэний хаана байгаа нь тодорхойгүй, холбогдох боломжгүй байгаа гэнэ.
Тийм учраас дээрх 32 иргэнийг нэн даруй олж, шинжилгээнд хамруулахыг аймгийн Онцгой комиссын дарга Д.Бауыржан Тагнуулын байгууллагад чиглэл болгожээ.
Discussion about this post