Бодибилдингээр идэвхтэй хичээллэж, 70 гаруй кг байсан жингээ 50 болтол бууруулж, биеэ хүрэл шиг болгосон “Боди мисс” Соко сүүлийн үед олны анхаарлыг эрхгүй татах боллоо. Дэлхийн тэмцээнүүдэд монголоо төлөөлж оролцохдоо өвөрмөц содон төрхөөрөө харийн эрсийн харцыг булаадаг, Азийн аварга шалгаруулах тэмцээнээс хүрэл медаль зүүж ирсэн энэ сайхан бүсгүйн амьдралын хэн хүнгүй сонирхдог. Өөрөө ч хувийн амьдралаа чамгүй нууцалдаг. Солонгоо Испанид 10 гаруй жил амьдарч байгаад ирсэн гэж өөрөө ярьдаг. Нас нь хэдийнэ 30 хол гарсан ч Солонгоо одоо хүртэл нөхөргүй, бас хүүхэд гаргаагүй болохоор хэн хүнгүй л гайхдаг. Харин Солонгоо хувийн амьдралаа сайтар нууцалж байж. Монголын бодибилдингийн миссийн титэм хүртсэн энэ бүсгүй 18 насандаа харь эртэй ханилж, хилийн дээс алхсан байна. Анхны нөхөр нь болох Араб эр хөрөнгө чинээ ихтэй нэгэн учраас бүсгүйг юугаар ч дутаагаагүй. Чухамдаа Монгол, Арабын хооронд нисэн бууж мөнгөөр туйлж, эдийн дээдийг эдэлж, амттаны сайхныг хүртэж, тосонд умбаж, торгонд хөлбөрч, 10 гаруй жил амьдарчээ. Солонгоог араб нөхөртэйгөө яг 15 жил амьдраад баян эрээсээ салсан гэдэг. Түүнийг тухайн үед найз нөхөд нь “Солонгоо мөнгөө тоолж чадахаа байчихсан” гэж шивнэлдэж байсныг бодоход чамгүй хөрөнгө чинээтэй нэгэнтэй залуу насаа өнгөрөөсөн байна. Ямартаа ч боди мисс зурган дээрх 11-41 дугаартай шаргал машинаа Г.Солонгоо “Моннис” дээр өөрийн биеэр очиж, 57 мянган доллар бэлнээр гарган тоолж энэ спорт загварын машиныг худалдаж авсан гэдэг. Араб эрээсээ салсан Г.Солонго дахиж эр хүнтэйгээ холбогдсонгүй. Бодибилдингээр олон жил хичээллэж, энэхүү спортод зүрх сэтгэлээ өгсөн Сокод хэр баргийн эр хүн таалагддаггүй бололтой. 40 дөхөж яваа ч арван наймт шиг харагддаг энэ гоо бүсгүй эрчүүдэд нэлээд өндөр шаардлага тавьдаг бололтой. Соко 11 жил хөдөлмөрлөж байж бодибилдингийн улсын аварга цолыг анх удаа хүртсэн. 2012 онд Ази тивийн аваргын тэмцээнээс улсдаа хүрэл медаль авчирсан сайн тамирчин юм.
WWW.TAIZ.MN
Discussion about this post