Замын цагдаагийн олон нийттэй харилцах албаны дарга, цагдаагийн хурандаа С.Энхтөрийн охин нь дуучин Болдын “Захидал” дууны клипэнд тоглодог Оюу гэх хөөрхөн охин, уул уурхайн чиглэлээр үйл ажиллагаа явуулдаг “Алтайн хүдэр” компанийн захирал Базартай суусан тухай яригдах болсон. Энэ талаар цагдаагийн дэд хурандаа С. Энхтөрөөс тодруулсан авсан юм.
-Таныг “Алтайн хүдэр” компаны захирал Базарын хадам аав болж байгаа тухай яриа гадуур байна энэ үнэн үү?
-Мэдэхгүй ээ, сонсоогүй юм байна. Гэхдээ би өсвөр насны охинтой. Миний охин хүнтэй суугаагүй байгаа. Одоо л дөнгөж 20 нас хүрч байгаа шүү дээ.
– Тэгвэл охин чинь дуучин Болдын “Захидал” дууны клипэнд гол дүрд нь тоглодог Оюу гээд охин мөн үү?
-Бишээ. Манай охиныг Оюу биш Зулаа гэдэг. “Урлах эрдэм” дээд сургуульд сурдаг.
-Гадуур таны охин мөн л гэж яриад байсан андуурсан юм болов уу? Таны охин клипэнд тоглож байсан уу?
-Миний охин дуучин Болдын “Захидал” дууны клипийн гол дүрийн залуусыг аян замд гаргаж өгч байгаа хэсэгт л бага зэрэг гардаг болохоос гол дүрд нь тоглож байгаагүй. Харин дуучин Үүрээ, Мөнхбат хоёрын “Чиний хайранд” дууны клипэнд миний охин тоглож байсан. Нэг охин багшаараа хөтлүүлж сургуульд ороод ширээндээ суух гэтэл өөр нэг банди хөлд нь дэгээ тавиад унагаачихдаг тэр хэсэгт нь гардаг охин л доо.
-Тэгвэл яагаад гадуур таныг охиныг бизнесмэн Базар гэдэг хүнтэй холбож бичээд байгаа юм болоо?
-Мэдэхгүй ээ бага зэрэг эндүүрэл гарсан байж магадгүй. Гэхдээ манай охин гадуур яригдаад байгаа Оюу гээд охинтой царайны хувьд жаахан төстэй, нэг клипэнд хамт тоглож байсан болохоор андуурсан байж болох л юм.
-“Алтай хүдэр” компаний захирлыг та таних уу? Таны найз нөхдийн нэг байж магадгүй юм. Тантай ойр дотно болохоор хүмүүс хүргэн нь гэж андуурсан байж болох шүү дээ?
-Базар гэдэг нэр анх удаагаа л сонсож байна. Огт танихгүй юм байна. Ямар хүн юу хийдгийг нь ч мэдэхгүй. Харин өөрөөс чинь л уул уурхайн компанийн захирал гэж сонслоо.
-Таны охин Оюутай найз уу?
– Үгүй ээ, тийм дотно найзууд биш. Танихаас цаашгүй гэсэн.
WWW.TAIZ.MN 2012 он
Discussion about this post