Хатан хааны гэр бүлийнхэн Эдинбүргийн гүн, хатан хаан Элизабетийн 70 гаруй жил ханилсан хань хунтайж Филипптэй салах ёс гүйцэтгэлээ. Хунтайж Филиппийг эцсийн замд нь үдэх ёслол Виндсор шилтгээн дэх гэгээн Жоржийн сүмд болсон бөгөөд цар тахлын нөхцөл байдлаас болоод 30 хүн л оролцуулжээ. Оршуулах ёслолыг хунтайж Филиппийн амьд ахуй цагтаа төлөвлөж байсны дагуу хийж, шарилыг өөрийнх нь өөрчлөн янзалсан “Land Rover” машинаар зөөж, сонгосон хөгжмийг нь тоглуулсан байна.
Хэдийгээр оршуулах ёслол олон нийтэд хаалттай, цомхон хүрээнд болсон ч телевизийн сувгуудаар шууд дамжуулжээ. Мөн нийт 50 минут үргэлжилсэн ёслолын үеэр дарсан зургуудыг цахим орчинд нийтэлжээ.
Зургуудаас ханхүү Харри жил орчим АНУ-д амьдарсны дараа ирж, ах угсаа залгамжлах ханхүү Уиллиамтай дахин уулзаж буй мөч, хунтайж Чарльз эцгээ дурсан нулимс дуслуулж байгаа мөч, хатан хаан орь ганцаараа гашуудан сууж байгаа байдал хүмүүсийн сэтгэлд хамгийн их хүрч байна. 
Discussion about this post