“Яаж ч муудалцсан гэлээ эргээд эвлэрэх оронй зай цээжиндээ үлдээж бай” гэж кино найруулагч Доржсамбуу гуай хэлсэн байдаг юм. Хүний хайлан болсон эрхмийн энэ үг одоо үед их үнэ цэнтэй үг болжээ. Өнгөрсөн 4 дүгээр сарын 2-ны баасан гарагт сайн найзын үлгэр жишээ болсон Олимпийн аварга Н.Түвшинбаяр, улсын начин Энхбатыг зодож хүнд гэмтээсэн хэрэг гарсан. Нэг нь Солонгосын эмнэлэгт ухаангүй, нөгөө нь шоронд саатуулагдаж буй. Энэ хоёр хүний ард эхнэр хүүхдүүд, ээж аав нь энэлэн шаналж байгаа нь л 100 хувийн үнэн.
Н.Түвшинбаярын аав ээж хоёр Булганаас ирж, Э.Энхбат начны аав ээжийн амьдарч буй оронд нь очиж, байнга дагаж явсан гэдэг. Хүний хүүхдийг хүнд бэртээсэн гэмийг нь нимгэлэх гэж, санаа зовсондоо ингэж явсан биз ээ. Мөн Улсын начин Э.Энхбатыг эхнэртэй нь хамт сахиж тэнхэртэл нь хамт байхаар Н.Түвшинбаярын эхнэр Б.Оюунбилэг Сөүлийг зорьжээ.
Discussion about this post