ЭРДЭНЭШИШ, НАРАНЦЭЦЭГ ТАРЬСАН ГАЗАРТ ХҮНД МЕТАЛЛЫН БОХИРДОЛ 40 ОРЧИМ ХУВИАР БУУРСНЫГ ТОГТООЖЭЭ.
Өнгөрсөн 7 хоногт Боловсрол, Шинжлэх Ухааны Сайд Л.Энх-Амгалан Газарзүй, геоэкологийн хүрээлэнд ажиллалаа. Энэ үеэр байгаль орчинд нөлөөтэй судалгаа, туршилтыг онцлон Л.Энх-Амгалан сайд их сонирхжээ.
Тус хүрээлэн 1990-ээд оноос хойш Улаанбаатар хотод орчны бохирдлын судалгааг хийж, гэр хороолол, зах, хур хогийн цэг орчмын хөрсний бохирдол их байгааг судалгаагаар тогтоосон байна. Зарим хэсэгт гүний усыг бохирдуулах хэмжээнд хүрчээ.
Цагаан давааны хогийн цэг гэхэд хөрсний 3-5 метр гүнд хамгийн их нянгийн бохирдолтой гарчээ. Хөрсний хүнд металлын бохирдол хамгийн их газар бол Да Хүрээ зах болон арьс шир боловсруулах үйлдвэр орчим юм. Хөрсөнд хар тугалга, кадми, зэс, цайрын бохирдол их байна.
Тиймээс арьс шир боловсруулах үйлдвэр орчимд хөрсний бохирдлыг бууруулах туршилт судалгааг газарзүй, геоэкологийн хүрээлэн МУБИС-ийн судлаачидтай хамтран хийсэн байна.
Туршилтын хүрээнд хэсэг газрыг сонгон авч наранцэцэг, эрдэнэшиш тарьжээ. Наранцэцэг тарьсан хэсэгт хөрсний бохирдол 39.1 хувь, эрдэнэшиш тарьсан хэсэгт бохирдол 40.5 хувиар буурсан байна. ![](http://taiz.mn/wp-content/uploads/2021/04/Nar.jpg)
![](http://taiz.mn/wp-content/uploads/2021/04/nar-hurs.jpg)
![](http://taiz.mn/wp-content/uploads/2021/04/Nar.jpg)
![](http://taiz.mn/wp-content/uploads/2021/04/nar-hurs.jpg)
Discussion about this post