Ч.Ичинхорлоо ХӨСҮТ-ийн “Улаан бүс”-д орсон боловч орчин нөхцлийг нь голоод, нэг хоноод гарчээ

Tsahiur.mn сайт ёстой цахиур хагалах мэдээ гаргалаа. Шадар сайд С.Амарсайханы эхнэр, Монголын Үндэсний Олон нийтийн телевизийн нэвтрүүлэгч Ч.Ичинхорлоо халдварын голомтоос тусгаарлагдахгүй гарчээ. Учир нь түүний аав, ээж нь коронавирусын халдвараар өвчилж ХӨСҮТ д тусгаарлагдсан байна. Ч.Ичинхорлоо аав, ээжийгээ сахина гэж ХӨСҮТ-ийн “Улаан бүс”-д орсон боловч орчин нөхцлийг нь голоод, нэг хоноод гарчээ. Харин орондоо дүүгээ оруулсан бөгөөд дүү нь ХӨСҮТ-д ирэхдээ халдвартай байжээ.

Халдварыг эмчилж байгаа ХӨСҮТ-ийн “Улаан бүс” бол маш эрсдэлтэй орчин. Улаан бүсэд орсон иргэн гэртээ харих боломжгүй бөгөөд тусгаарлах байранд 14 хоног тусгаарлагдах зохицуулалттай. Гэтэл Шадар сайдын эхнэр ийнхүү гэртээ харьсан нь хууль журам хэнд хэрхэн үйлчилдэг вэ гэдгийн бодит жишээ болж байна. Энэ асуудлаар Tsahiur.mn сэтгүүлч УОК-ын хэвлэлийн хурал дээр Шадар сайдаас тодруулахад тоймтой, тодорхой хариулт хэлсэнгүй.