“Мон Атом”-ын дэд захирлын 5,5 сая төгрөг төлж орсон нэвтрүүлэг үр өгөөжөө өгсөн үү?

Монголд үнэгүй юм гэж байхаа больжээ. Хамгийн шударга, сэхээтнүүдийн манлай гэгддэг Д.Жаргалсайхан эдийн засагчийн явуулдаг нэвтрүүлэг ч үнэ төлбөртэй байдаг бололтой. Уг нь хоёр ч телевиз энэ эрхмийн хөтлөн явуулдаг “DeFacto”-д орон зай олгож, эфирийн цагаа зориулдаг. 2021 оны 1-р сарын 20 өдөр  МҮОНРТ-ээр “DeFacto” нэвтрүүлгээр “Уран олборлолт аюулгүй юу?” гэсэн сэдвээр мэтгэлцсэн. Мэтгэлцээнд “Мон-Атом” төрийн өмчит компанийн дэд захирал З.Дамдинсүрэн оролцсон билээ. Нөгөө нь жагсагч Б.Цэгмид. Иргэн Б.Цэгмид нь “Авто зам ашигласны төлбөр нэмсэнтэйгээр холбоотойгоор иргэн “Босоо хөх Монгол” ТББ-ын тэргүүн, “Үнэн ба зөв” намын гишүүд автомашинтай жагсаал зохион байгуулж явсан нэгэн. Иргэн Б.Цэгмидийн ураны талаарх мэдлэг хэр бол. Аваргын аманд зөөлөн бөх хаядаг шиг, тавилттай зүйл байсан уу, үр өгөөж гарсан уу. Гэвч “Мон Атом” компани энэ нэвтрүүлэгт дэд захирал нь оролцсоны төлбөр болгон 5 ,5 сая төгрөгийг “ЖиДиЭф” компани руу шилжүүлжээ.