“Уруулын будаг” хамтлагийн продюссерээр нь хөгжмийн зохиолч Б.Долгион ажиллаж, “Хүрээ хүүхнүүд” дуу нь хит болсон хамтлаг байсан. Охидын хамтлагийн ахлагч Дэлгэрмаа урт үсээ цагаанаар будсан, нүд хөмсөг болсон хөөрхөн охин байв. “Уруулын будаг” хамтлагийн ахлагч Солонгос явснаар тус хамтлаг тарсан. Тус хамтлагийн гишүүн Ичко Боловсролын яаманд ажиллаж, Ганаа нь Францад ажиллаж амьдарч, тэндээ нас тогтсон франц эртэй гэрлэсэн гэдэг. “Уруулын будаг” хамтлагийнхан мөнгөнөөс болж маргалдаж тарсан гэсэн яриа байдаг. “Уруулын будаг” хамтлагийн ахлагч “талийгаач” Зоос банкнаас мөнгө зээлээд өгөлгүй Солонгос явсан. Дэлгэрмаа Зоос банкнаас зээлсэн мөнгөө хамтлагийнхаа үйл ажиллагаанд зориулсан гэдэг. “Уруулын будаг”-ийн Дэлгэрмааг эрэн сурвалжилж байна гэсэн зар үе үе гардаг. “Жаст”-ын Батхүү “Хадгаламж” банкаа төрд өгөх үеэр 2013 оны зун цагдаагийнхан Дээгийг эрэн сурвалжилж байна гэсэн зарыг дахин эрчтэй түгээсэн. Хамтлагийн ахлагч, хамгийн хөөрхөн бүсгүй олон нийтийн өмнө гаралгүй удлаа.
Харин хамтлагийнхнаасаа ганцаараа төрд зүтгэж яваа Ичко буюу Г.Ичинхорлоог төр үнэлж, Алтан гадас одонгоор шагнав. Охидын хамтлагийн дуучин байсан бүсгүй Г.Ичинхорлоо Боловсролын яаманд 15 ажиллаж, мэргэшсэн төрийн албан хаагч болжээ.
Discussion about this post