Дуучин Б.Болдын ууган охин Б.Аялгуугийн аавдаа зориулсан төрсөн өдрийн мэндчилгээ 

 Дуучин Э.Чулуунчимэг, Б.Болд хоёр хамтдаа таван жил амьдарсан. “Жаргалтай айл манайх” цомгийн нэр шигээ амьдарч, Аялгуу нэртэй ууган охиноо өлгийдөн авч, гурван ч томоохон цомог, олон тоглолт хийсэн, орон нутгаар хэдэнтээ тойрсон хөдөлмөрч, сайхан хос гэгдэж байлаа. Мөн үеийнхэнтэйгээ хамтран олон тоглолт хийсний нэг нь Э.Чулуунчимэг дуучин Х.Мөнгөнцэцэг, Хандмаа хоёртой хамтарсан “Хүндэтгэл үргэлжлэл” тоглолт. Энэ тоглолт нь тухайн үедээ олны талархлыг хүлээж, Мөнгөнцэцэг, Хандмаа хоёрыг олонд таниулж байлаа.

  Э.Чулуунчимэг хөгжмийн зохиолч Т.Сэр-Одын тоглолт дээр сумогийн алтан хараацайтай гэрлэж, анхны хүүгээ төрүүлээд удаагүй Т.Баясгалангийн “орыг нөхөж” “Зөвхөн чамдаа”-г дуулж тайзнаа гарсан. Тийм учраас, тэр нь нөлөөтэй том тоглолт болохоор Чука тайзнаа ганц гараад л шууд олны танил болсон. Үеийнхнээсээ анхлан оюутан ахуйдаа олонд тод танигдсан дуучин. Түүнээс хойш уран бүтээлээ тасралтгүй хийж, хамтрагч хань Болдыг ч, Х.Мөнгөнцэцэгийг ч олны танил болгосон гэхэд хэтрүүлэг болохгүй.

Харамсалтай нь Болд, Чука хоёр салж, Баярын Болд эхнэрийнхээ үй зайгүй найз Х.Мөнгөнцэцэгийг орон гэртээ авчирсан гэдэг. Болд Мөнгөө хоёрхон жилийн дотор Жавхлан, Баясгалан нэртэй хүүтэй, охинтой болж, 10 жилийн ойгоороо Алдарт эцэг эх болов. Дуучин Баярын Болд олон хүүхэдтэй анхны хань, анхны амьдралаасаа мэндэлсэн ууган охиноо анзаардаггүй байж болох ч охин Аялгуугийн хувьд арай өөр байх…

 Аав л ээждээ ганц эрх охин байсан, учир мэдэхгүй нялх балчир насанд нь аав ээж нь салж, аав нь гэр бүл, аав ээжийнхээ дотны найзтай амьдарч эхэлсэн нь эмзэг, их хүнд тусна. Болд Мөнгөө жил дараалан төрсөөр эцэг нэгт олон дүүтэй болсноо харж л байдаг байлгүй.  Ээжтэйгээ ганцаар яваа охид юу эс бодогдох вэ, энэ өнцгөөс бодоход их эмзэг, тэр бүр хүнд хүсмээр тавилан биш юм даа…