“Тавантолгой түлш” компаний захирал М.Ганбаатар 6,9 сая төгрөгийн тамга захиалжээ

Агаарын бохирдлыг бууруулахаар мөнгө ихээхэн зарцуулж, энэ хэрээр “Тавантолгой түлш” компани ашиг орлоготой, төсвийн мөнгөөр туйлдаг гэж хэлж болно.  Юутай жил гаруйн өмнө “Таван толгой түлш” компани 6 сая 900 мянган төгрөгөөр тамга хийлгэсэн баримт ил гарч, 7 сая шахуу тамгыг харахсан… гэлцэж байлаа. Тамга болохоор алганд багтах хэмжээтэй байж таарна, харин алганд багтах хэмжээтэй зүйлд 6,9 сая төгрөг зарахаар энэ тамга алтан тамга ч байж магадгүй. Ийм өндөр үнээр хийлгэсэн тамга эд мэддэг хүний анхаарлыг татахаар гоё байх нь мэдээж… Тэр тусмаа энэ үнэт тамгыг юмны эзэн, сумны занги болсон М.Ганбаатар захирал нь барих учиртай биз. Юутай ч төсвийн тухай хуулинд төсвийн бүх шатны захирагчдад төсвийн хөрөнгийг хэмнэлттэй, үр ашигтай зарцуулахыг үүрэг болгон хуульчилсан ч 6 сая 900 мянган төгрөгөөр тамга захиалахдаа “Таван толгой түлш” ХХК-ийн захирал М.Ганбаатар гар татдаггүй бололтой.