АНУ-ын 46 дахь Ерөнхийлөгчийн тангараг өргөх ёслолын үеэр Америкт амьдадаг Монгол хүү Сэргэлэнгийн Чингүүн илтгэл тавихаар болжээ. С.Чингүүн 14 настай. Анх Монгол хүү Америкийн алдарт “All that” инээдмийн шоуны шалгаруулалтад тэнцэж, албан ёсны жүжигчнээр ажиллахаар болсон тухай мэдээ монголчуудад дуулгаж, С.Чингүүнийг мэддэг болж байлаа. С.Чингүүн Би АНУ-ын Чикаго хотод төрж, өссөн. Анх есөн настайгаасаа эхлэн мэргэжлийн түвшинд жүжигчний мэргэжлээр хичээллэж, Чикаго хотынхоо нэр хүндтэй агентлагтай албан ёсны гэрээтэй ажиллаж эхэлжээ.
Америкийн “Nickelodeon” телевизийн хэд хэдэн шоуны ярилцлагад орж, шалгаруулалтаас өндөр үнэлгээ авч байсан. 2018 оны зун тус телевизийн орон даяар зарласан тусгай 14 хоногийн сургалтад тэнцэж, нийт 12 хүүхэдтэй хамт оролцож байсан юм. Тэр үеэс л “All that” шоунд оролцох өндөр магадлалтай хүүхдийн нэг гэж үнэлэгджээ. “All that” шоуны шалгаруулалтыг Америк даяар зохион байгуулж, хийсэн. Уг шоуны шалгаруулалтад орох хүсэлтэй 20 мянга гаруй хүүхдээс 5000 хүүхэд орох эрхээ авч, тэдэнтэй өрсөлдөн шалгарсан байна.
Америкт төрсөн, Монголдоо ирж амжаагүй ч, Монголоо гэсэн сэтгэлтэй, Монголдоо элэгтэй, Монголын тухай кино, мэдээ мэдээлэл үздэг. Үндэсний хөөмий, морин хуур сурах сонирхолтой болж, морин хуураар хичээллэдэг.
Discussion about this post