АНУ-ын Калифорни мужид их түймэр гарч иргэд их хэмжээний хохирол үзээд байна. Эрх баригчид Лос Анжелес хотын баруун дүүргүүдэд ойн түймэр дэгдсэний улмаас онц байдал зарлаж, иргэдийг нүүлгэн шилжүүлэх шийдвэр гаргасан. Гал түймрийн улмаас ойр орчмын бүс нутгуудад салхины хурд 100 миль давж, Лос Анжелесийн 30.000 гаруй оршин суугчийг нүүлгэн шилжүүлсэн байна. Эдгээр иргэд дунд Холливуын дараах алдартнууд ч мөн багтжээ.
Гал түймэр Малибу арал руу орох үед Пэрис Хилтоны тансаг зэрэглэлийн 8.4 сая ам.долларын үнэтэй байшин бүрэн шатжээ. Тэрбээр өөрийн байшинг шатаж буйг телевизийн шууд дамжуулалтаар харсан бөгөөд ихэд харамсаж буйгаа илэрхийлсэн. Гал түймрийн улмаас жүжигчин Хэйди Монтаг, Спенсер Прэтт нарын гэр шатжээ. Тэд өөрсдийн инстаграмаараа дамжуулан олон жилийн аз жаргалтай дурсамж шингэсэн байшингаа алдсанд харамсаж байгаагаа илэрхийлсэн юм.
Лейтон Мистер, Адам Броди нарын 6.5 сая долларын үнэтэй байшин шатсан байна. Мөн жүжигчин Анна Фэрисийн 4.9 сая ам.долларын үнэтэй байшин галд өртсөн бол эхнэр нөхөр Майлс Теллер, Кели Теллер нарын 7.5 сая ам.долларын үнэтэй шинэхэн худалдаж авсан байшин шатжээ.
Эд хөрөнгөө алдсан алдартнуудын дунд Энтони Хопкинс, Евгений Леви, Билли Кристал, Жон Гүүдмэн, Ферги, Бен Аффлек, Том Хэнкс, Рита Вилсон, Сандра Ли, Мэнди Мор, Арнолд Шварцнеггерийн экс эхнэр Мариа Шрайвер, ханхүү Харри болон Меган Маркл зэрэг олон алдартан багтжээ.
Гал түймэр 13 мянган га газрыг хамраад байгаа бөгөөд түймрийн улмаас одоогоор 50 орчим тэрбум долларын хохирол учирсан хэмээн үзэж байна. 
Discussion about this post