Чоно борооноор, МАН коронагоор гэж ярьдаг болоод байна. Н.Энхбаярын нам буюу МАХН-аас БГД-ийн ИТХ-д нэр дэвшин ялсан ч МАН-д элссэн Э.Магнайбаяр хариу шагналаа авчээ. “Алдарт урвагч” Э.Магнайбаяр саяхан “Баянгол-хүүхдийн зуслан” ОНӨТҮГ-ын Даргаар томилогдсон байна. Ийнхүү Э.МАГНАЙБАЯР ч коронатай цагаар сэмхэн албан тушаалаа авчээ. Хүүхдийн байгууллагыг ийм хүн удирдаж болдог юм уу гэж эгдүүцэж байна.
Учир нь Баянгол дүүргийн ИТХ-ын 23-р тойрогт МАХН-аас нэр дэвшин сонгогдсон Э.Магнайбаяр МАН-д 2020.10.20-ны элсэж, гишүүний үнэмлэхээ гардаж авсан. Орон нутгийн сонгуульд Ардчилсан намтай эвсэл болон орсон МАХН-ын гишүүд болох Э.Магнайбаяр, Ё.Бямбатогтох нар БГД-ийн ИТХ-ын сонгуульд ялсныхаа дараа МАН-д гишүүнээр элссэн юм. Өмнө нь намын урвагчид чимээгүйхэн урвадаг байсан бол энэ хоёрын хувьд олон нийтэд хандан мэдэгдэл хийж “даналзсан” нь олны дургүйцлийг төрүүлсэн. Улмаар анхдугаар хуралдаанаа хийх ёстой байсан Баянгол дүүргийн ИТХ-ын өмнөхөн Э.Магнайбаяр руу АН-ын гишүүд өндөг, гурил шидэн эсэргүүцэл үзүүлснээр барахгүй ТВ-ийн камерын өмнө алгадаж уур хорслоо тайлж байсан билээ.
Discussion about this post