Дуучин Ж.Чингис С.Зориг агсныг ингэж зуржээ

• Монголын сонгодог урлаг, дуурийн тод од, Монголын шилдэг басс хоолойтой Д.Жаргалсайхан гэж том дуучин байв. Дуучин профессор Дэмбэрэлийн Жаргалсайхан 1976 онд Монгол Улсын Ардын жүжигчин цол хүртсэн.  Эцэг эх нь 1930-аад оны дундуур ЗХУ-ын Агийн буриадаас нүүж ирсэн хүмүүс байв. Дорнод аймгийн Дашбалбар сумын нутагт төрж, бага сургууль, дунд сургуулийг дүүргэж,1961-1966 онд Болгар улсын Софи хотын ХДС-ийг дуурийн дуулаачийн мэргэжлээр төгссөн. Буриад түмний төлөөлөл болсон эрхэм хүн байсан билээ. Д.Жаргалсайхан агсны хүү Ж.Чингис мөн дуучин. Болгарт төгссөн. 1990-ээд оны дундуур Мишээлтэй хамтран Классик Трио хамтлан байгуулан дуулж байсан. Мөн Минжинсортой хамтарч “Дөрвөн уирал, хоёр амраг”, ганцаараа “Халуун элгэн” нутаг дууг дуулснаар сонсогчид андахгүй. Аав шигээ сайн дуучин Ж.Чингис мөн сайн зураач. Тэрбээр Ардчиллын алтан хараацай С.Зориг агсныг ингэж зуржээ.

  ()