“Монголын алт” компаний захирал Н.Цэлмүүн хуримынхаа үеэр Marchesa брэндийн 2018 оны коллекцид багтсан тансаг даашинзаар гоёсон байсан. Нямтайширийн Цэлмүүний өмссөн даашинзыг цэцэг нэг бүрийг нь нямбайлан хатгаж урладаг, тансаг торгон эд бөгөөд 12.000 гаруй ам.доллар буюу 30 гаруй сая төгрөгийн үнэтэй. Мөн хуримын цагаан даашинзаараа Marchesa брэндийг сонгосон болохоор хуримын болон үдшийн даашинздаа гэхэд 50 гаруй сая төгрөг зориулсан нь илт. Монгол заншлаар монгол дээл хувцас мөн өмссөн. Юутай ч Н.Цэлмүүн Marchesa-гийн хоёр даашинзаараа ихээхэн бахархаж “Хуримын даашинз маань яг миний хүссэнээр даруухан, дэгжин байсан. Хуваалцмаар санагдлаа” гэсэн тайлбартай инстаграмдаа оруулсан. Мөн хуримаасаа хэдхэн хоногийн дараа “Даашинзандаа багтсан юм чинь хүссэнээ идэж болно биз дээ” гэсэн утгатай үг бичиж энэхүү зургаа постолсон байдаг.
Монголын тэргүүн баячуудын нэг гэгддэг “МАК”-ийн босс Б.Нямтайширийн ганц охин Н.Цэлмүүн 2007 онд Хэнтий аймагт байдаг аавынхаа эдлэнд нижгэр хурим хийж, нөхөрт гарсан ч дөрвөн жил гаруй болоод салцгаасан. 10 жилийн дараа дахин хуримаа хийлээ. 30 хол гарсан бүсгүй хувцас эдлэлд ихээхэн ач холбогдол өгөлгүй яах вэ. Цэцэг навчаар чимэглэсэн энэхүү Marchesa-гийн даашинзыг “галзуу баян азиуд” ихэвчлэн сонгодог. “Галзуу баян ази” киноны од бүсгүй улаан хивсний ёслолд энэ брэндийн даашинзыг өмсөж ирсэн. Энэтхэгийн тэрбумтны хүү, охин хоёр Нью Йоркт гурван өдөр үргэлжилсэн хурим хийхдээ зургаан удаа хувцсаа сольсон. Ингэхдээ сүйт бүсгүй нэгэнд нь Marchesa-гийн даашинз өмссөн. Seema Bansal, Sanjam “Sunny” Chadha нар 2018 оны 12-р сарын 28-ны өдөр Нью Йоркт 250 зочинтой хуримаа хийж, бөгжөө зүүх нуман хаалгаа 150,000 ширхэг Эквадорын гоёмсог цэцэгсээр чимэн хүрээлсэн тухай “Marchesa” албан ёсны пэйждээ бичиж байлаа. Харин манай экс Ерөнхий сайдын хүүгийн эхнэр “МАК”-ын Цэлмүүнийг “Marchesa” брэндээс хоёрын хоёр даашинз авч хуримандаа өмссөнийг мэдсэн болов уу?
Discussion about this post