“Индиго” Энхболд, дизайнер Отгонжаргал хоёр хүүхдийн хүчирхийллийг сурталчлав уу?

Загвар өмсөгч Энхболд, дизайнер Отгонжаргал хоёр загварын ертөнцийн бат бөх гэр бүл. Дизайнер Оля гэх Отгонжаргал өөрийг гэсэн өнгө аястай, загварын шоугаа шинэ жилийн үеэр хийдэг сайн хувцас загвар зохион бүтээгч. Энэ жил коронавирусын тархалтаас шалтгаалан, одоо ч хувцас, эд бараа зарахгүй байгаа. Гэсэн ч Отгонжаргал маск хийн амжилттай чадсан. Саяхан шинэ жилийн уур амьсгал оруулах, ширээний бүтээлэг, алчуур, тавгийн суурь, амны алчуур, сандлын гоёл хийн борлуулж байгаа. Харин энэ бүтээгдэхүүнээ сурталчлахдаа аав ээж нь шампанск ууж, хүүхдүүдээ хүлсэн, амыг нь скочидсон байдалтай зургаар сурталчилж, хүүхдийн хүчирхийллийг өөгшүүлсэн далд мессеж өглөө гэж шүүмжлүүлж эхэллээ.