МАСЛЕНИЦА БАЯРТ ИРСЭН ЗОЧДООС ХОЁР АЗТАН ТӨЛГӨН ХОНИНЫ ЭЗЭН БОЛНО

Оросын ард түмний өвлийг үдэж хаврыг угтдаг “Масленица” буюу Шар тосны баярыг энэ жил Улаанбаатар дахь Русский Дом энэ Ням гараг буюу гуравдугаар сарын 6-ны 11.00-16.00 гаднах талбайнаа тэмдэглэнэ. Энэ баяр нь хавар эхэлсний баяр бөгөөд удаан үргэлжилсэн оросын өвлийг баяр хөөртэйгээр үддэг байна. Дээр үед Шар тосны баярын өдрүүдэд хот тосгодын төв гудамжуудад өргөн зугаалга болдог байжээ. Гудамжуудаар сүрлээр хийсэн мануухай барьж явдаг байсан байна. Энэ мануухайгаар өвлийг дүрсэлдэг байжээ. Шар тосны баярын сүүлийн өдөр хавар айлчлан ирсийг зарлан тунхаглаж мануухайг ёслол төгөлдөр шатаадаг юм.

Шар тосны баярын баясгалан дүүрэн цэнгүүнд хүүхэд томчуул ялгалгүй нэгэн зэрэг татагдан идэвхтэй оролцох боломжтой.

Орос, монгол иргэд РЦНК-ийн гаднах талбайд өргөн зугаалж, “Hi, London”,”Амударья”, “Номадс”, “Кавказ” рестораныхны бэлдэх амтат бин, шорлог, халуун хоол цайгаар үйлчлүүлэн 3 цагийн урлагийн тоглолт үзэж, орос ардын соёлын өв улалмжлалыг хадгалсан үндэсний наадгай, уралдаан, тэмцэнд оролцож төрөл бүрийн шагналыг авах болно. Мөн энэхүү арга хэмжээнд ирсэн хүн бүрт үнэгүй сугалаа тарааж, ивээн тэтгэгч “Монретранс”, “Аэрофлот”, “УБТЗ”, “Экстра” зэрэг байгууллагуудын зүгээс бэлдсэн гэр ахуйн, төрөл бүрийн цахилгаан бараа, Русский Домын дэргэдэх Орфей театрынхнаас бэлэглэх “Гэм Зэм” жүжгийг хосоороо үзэх тасалбаруудын эзэн болж тун тааламжтай баярлацгаах нь. Харин РЦНК-ийн өөрийнх нь зүгээс

төлгөн хонины хоёр ч эзнийг тодруулах хөгжилтэй тэмцээн та бүхнийг хүлээж байгаа шүү!

Энэхүү арга хэмжээг зохион байгуулахад худалдааны байгууллагуудыг хамтран ажиллахыг өргөнөөр урьж байна.

Талбайд асар үнэ төлбөргүй гаргаж өгнө.

Соёл урлаг, боловсрол, шинжлэх ухааны салбарт олон улсын хүмүүнлэгийн үйл ажиллагааг 46 дахь жилдээ явуулж буй Россотрудничество агентлагийн Монгол Улс дахь төлөөлөгчийн газрын Русский Дом/ РЦНК-ийн гаднах талбайд болох энэхүү өргөн зугаалгыг зохион байгуулахад БЗД-ийн цагдаагийн газар, Sky King харуул хамгаалалтын алба болон “VIP” тусгай харуул хамгаалалтын алба олон нийтийн хэв журмыг сахиулах зорилгоор хамтран ажиллаж байна.

Лавлах утас:

11- 46 10 26