Ирландын Баллискале суурингийн фермер 44 настай Пол Рейнард талбайдаа ажиллаж байгаад хуримын бөгжөө гээжээ. Гээсэн бөгжөө олоход нь найз Майкл Гвинн нь туслахаар болж амралтын өдрөөр металл хайгч барин талбайгаа самнасан. Хэдэн цаг хайсны эцэст Полын металл илрүүлэгч дохио өгчээ. Дохио өгсөн газрыг ухахад эртний зоос гарч ирсэн нь 84 ширхэг гэнэ. Хоёр найз олдвороо мэргэжлийн шинжээчдэд үзүүлтэл 1500 оны үед төр барьж байсан Генрих VIII хааны үед цутгасан зоос алтан зоос байж таарчээ. Энэ ховор олдворыг Ольстерсийн музей 100 мянган фунтаар худалдан авсан нь бараг 300 сая төгрөгт хүрнэ. Хэдий өөрийнхөө талбайгаас өөрөө олсон ч Пол Рейнар найз Майкл мөнгөнөөсөө хувь хүртээсэн байна.
Discussion about this post