Монгол үндэстнийг доромжилсон үг хэлсэн тамирчин Ферштапений асуудлаар Элчин сайд Л.Пүрэвсүрэн Женев дэх НҮБ-ын алба, Хүний эрхийн хороонд хандан гомдол гаргасан билээ. Ингэхдээ аливаа ялгаварлах үзлийг үл тэвчих тухай НҮБ-ын бизнесийн зарчмыг сануулж, тамирчин Ферштапен болон “Redbull racing” багийн спонсор 16 компанийн удирдлагад хандан захидал бичсэн юм. Юутай ч энэ талаар эхнээсээ хариу ирүүлж эхэлжээ. Тухайлбал монголчуудын сайн мэдэх “Сийменс” компаний удирдлагаас Монгол Улсаас Шведэд суугаа Бүрэн эрхэт Элчин сайд Л.Пүрэвсүрэнд хариу ирүүлжээ.
Энэ захидалд “Ялгаварлан гадуурхалт, дарамт шахалт, хувь хүн эсвэл бүлэглэл рүү чиглэсэн аливаа хувийн халдлагыг хүлээн зөвшөөрөхгүй” гэж мэдэгдэж, үйл явдлын талаар Red Bull-д санаа зовниж байгаагаа аль хэдийн “тодорхой” илэрхийлсэн гэжээ. “Үүнтэй төстэй хэрэг дахин давтагдахаас урьдчилан сэргийлэхийн тулд шаардлагатай арга хэмжээг авлаа” гэж багийнхан бидэнд батлав. Ноён Ферстаппен өөрийн биеэ авч яваа байдалдаа анхаарч уучлалт гуйхаа илэрхийлсэн” гэж Сиеменс компанийн захирал Торстен Эндэ захидалдаа бичжээ.
Discussion about this post